Ślōnski kōnkurs literacki – „Latowe fraszki”
Opis wydarzenia
Ślōnski kōnkurs literacki – „Latowe fraszki” --------- Czelodka niyformalno ô mianie Ślōnsko Asocjacjo Jynzykowo ôgłoszo kolejny kōnkurs literacki na portalu Facebook, kery rychtowany bydzie dwojako: z jedny strōny jako plebiscyt dostympny wszystkim użytkownikōm tego portalu, co jednak z drugi strōny korygowane bydzie werdyktym jurorōw. Uproszo sie autorōw ô przesłanie zestawu nojmyni trzech ślōnskich fraszek (we ślōnskim jynzyku), kerych tymatym bydzie ta nojcieplejszo pora roku – lato. Ważne jednak coby wszyske przisłane fraszki społym niy miały mniyj niż 12 i wiyncyj jak 24 wersy. Fraszki te przedstowiōne bydōm na zajcie Facebooka niyanōnimowo, tako coby jowiyły i autora, i jego kunszt – mo to mieć akuratnie charakter prōmocyjny. We kōnkursie mogōm być fraszki nawet już drapci upubliczniōne we Internecu, czy tyż publikowane na papiōrze, bele by przōdzi niy bōły nagrodzane we inkszych kōnkursach. Zestawy autorskich fraszek (niyanōnimowych) do 15 siyrpnia trza przesłać persōnōm kere noleżōm do Ślōnski Asocjacji Jynzykowy – prywatnie na ich profile abo na e-mail kery te persōny autorōm zainteresowanym kōnkursym podadzōm: https://www.facebook.com/janina.bienek https://www.facebook.com/mirkus73 https://www.facebook.com/broneknotgeld/ 22 siyrpnia, wszyske zestawy fraszek zostanōm upubliczniōne we tym samym momyncie na jedny ze zajtōw Facebooka, a potym szyroko prōmowane we portalu, przez wszystkich kierzy bydōm tego chcieli, aże do kōńca kōnkursu – 12 września tego roku. Fraszki kōnkursowe pokozane bydōm we raji alfabetyczny, zoleżnie ôd tego jako minuje sie autorka/autor. Do tego momentu (12.IX.2026) zestawy fraszek mogōm być lajkowane, tak przez profile portalowe, jak tyż strōnki. W ty plebiscytowy ôcynie mogōm brać udział wszyjscy kierzy yno bydōm chcieli sie w to zabawić. Wszyske lajki (inksze emotikōny niy) w jednym kōnkretnym momyncie bydōm sprowdzōne i spisane. Lajki po terminie już bydōm niyważne. Kōńcowy werdykt bydzie jednak jeszcze skorygowany przez dodanie punktōw jurorōw, tako tych persōnōw ze czelodki Ślonsko Asocjacjo Jynzykowo. We kōnkursie mogōm brać tyż udział utwory persōnōw kere sōm we ty czelodce – siebie punktōw niy bydōm wtedy mōgli przyznać. Liczba punktōw do dyspozycji jurorōw bydzie zoleżno ôd liczby autorōw – bydzie sumōm kolejnych liczbōw ôdniesiōnōm do liczby autorōw. Jurory te punkty bydōm mōgli prziznować wedle swojego uznanio, dyć nojmyni piōntce autorōw, nō i tyż niy na swoje autorske zestawy fraszek. Uroczysty finał kōnkursu ôdbydzie sie latoś we II połowie września, na terynie letniego ôgrōdka we wiyreckim kafyju Magia Kafe przi „stoliku literackim” – nagrodzōne utwory bydōm wtedy ôdczytywane, a przybyłym autorōm wrynczane uroczyście dyplōmy abo podziynkowania za udział we ty literacki zabawie popularyzujōncy ślōnske fraszki. Kōnkretny termin takego finału podany bydzie niy drapci jak ze poczōntkym września. Tōż proszymy autorōw ô przisyłanie autorskich zestwōw ślonskich fraszek we tymacie „Latowe fraszki”. Ślōnsko Asocjacjo Jynzykowo.
Lokalizacja
Ruda Śląska
Komentarze
Dołącz do wydarzenia (kliknij „Wezmę udział” powyżej), aby zobaczyć i dodać komentarze.